پولیو اور بیرون ملک سفر --- زیادہ پوچھے جانے والے سوال

دوسرے ممالک میں پولیو کا پھیلاؤ روکنے کے لیے پاکستان سے بیرون ملک سفر کرنے والے ہر عمر کے تمام مسافروں کے لیے پولیو کی ویکسین لازمی ہے۔ پاکستان دنیا کے ان دو ممالک میں شامل ہے جہاں اب بھی وائلڈ پولیو وائرس کا خاتمہ نہیں ہوا ہے۔ اس بات کو یقینی بنانا نہایت اہم ہے کہ ان ممالک سے سرحد پار کرنے والے تمام مسافروں نے پولیو کی ویکیسن لی ہو۔ وہ افراد جنہوں نے نہ پولیو ویکسین پی ہے اور نہ ہی لگاوائی ہے، وہ پولیو وائرس سے متاثر ہو سکتے ہیں، اس لیے بیرون ملک سفر سے قبل ویکسین لینا نہ صرف انہیں محفوظ رکھے گا بلکہ وائرس کو پھیلنے سے بھی روکے گا۔

عالمی ادارہ صحت کی انٹرنیشنل ہیلتھ ریگولیشنز  پر مبنی مسافروں کے لیے پولیو ویکسین کے حوالے سے معلومات یہاں دستیاب ہیں۔

 https://www.who.int/news/item/12-05-2023-statement-of-the-thirty-fifth-polio-ihr-emergency-committee

ہر عمر کے تمام بیرون ملک جانے والے مسافر بشمول شہری اور طویل مدتی مہمان، یعنی وہ جو پاکستان میں چار ہفتے یہ اس سے زیادہ عرصے کے لیے مقیم ہوں، ان کے لیے اورل پولیو ویکسین (او پی وی) یا انجیکٹیبل پولیو ویکسین (آئی پی وی) کی خوارک بیرون ملک سفر سے قبل چار ہفتے سے 12 ماہ کے درمیان کے دورانیے میں لینا ضروری ہے۔

اگر آپ آنے والے ہفتوں میں بیرون ملک جا رہے ہیں تو آپ کو روانگی کے وقت پولیو ویکسنیشن کا سرٹیفیکیٹ دکھانا کرنا ہوگا۔ اس کے لیے اپنے قریبی ڈسٹرکٹ ہیلتھ آفیس جائیں، وہاں سے پولیو کی ویکسین لیں اور اپنی معلومات کا اندارج کروائیں۔ اس کے بعد آپ نادرا کی پورٹل https://nims.nadra.gov.pk/nims/ یا پاک ویکسنیشن پاس ایپ ڈاؤن لوڈ کر کے اس میں معلومات اندارج کر کے اور  100 روپے کی فیس ادا کر کے ڈیجیٹل سرٹیفیکیٹ ڈاؤن لوڈ کر سکتے ہیں۔

پولیو ویکسنیشن ڈیجیٹل سرٹیفیکیٹ کی میعاد ایک سال ہے۔

اگر کوئی مسافر ہنگامی بنیاد پر سفر کر رہے ہیں اور انہوں نے گذشتہ چار ہفتوں سے 12  ماہ کے دوران پولیو ویکسین نہیں لی ہوئی تو وہ روانگی کے وقت عالمی ہوائی اڈے پر مخصوص پولیو کاؤنٹر سے پولیو ویکسین حاصل کر سکتے ہیں۔    

جی، سرٹیفیکیٹ کے ذریعے پولیو ویکسین کا ثبوت ظاہر کرنا تمام بیرون ملک مسافروں کے لیے ضروری ہے۔

پولیو ویکسنیشن کے لیے تمام بین الاقوامی ہوائی اڈوں پر ایمرجنسی کاؤنٹر قائم ہیں جہاں ان افراد کو ویکسین دی جا رہی ہے جو کسی بھی وجہ سے سفر سے پہلے ویکسین اور سرٹیفیکیٹ نہیں حاصل کر سکے۔ ہوائی اڈے پر پولیو ویکسین کے بعد سرٹیفکیٹ بھی دیے جائیں گے۔

نہیں، پاکستان میں داخل ہوتے ہوئے آپ کو پولیو ویکسین سرٹیفیکیٹ کی ضرورت نہیں۔ صرف ملک سے باہر جانے والے مسافروں کے لیے روانگی کے وقت پولیو ویکسین کا سرٹفیکیٹ ہونا لازمی ہے۔

دنیا میں دو ہی ممالک رہ گئے ہیں جہاں پولیو وائرس اب بھی موجود ہے، پاکستان میں ان میں سے ایک ہے، اس لیے یہاں سے باہر سفر کرنے والے تمام افراد کے لیے پولیو ویکسین ضروری ہے۔ پولیو ایک نہایت متعدی بیماری ہے جس سے نہ صرف بچے بلکہ ایسے بالغ افراد بھی متاثر ہو سکتے ہیں جنہوں نے ویکسین نہ لی ہو، یوں سفر کے ذریعے دوسرے ممالک میں پولیو کے پھیلاؤ کا خطرہ موجود ہے۔ اس پھیلاؤ کو روکنے کے لیے کئی ممالک نے ملک میں داخلے کے لیے مسافروں کے لیے پولیو ویکسیشن لازمی قرار دی ہوئی ہے۔ یہ اقدامات پوری دنیا میں پولیو پر قابو پانے اور بالآخر اس کے خاتمے کی عالمی کوششوں کا حصہ ہیں۔ پولیو ویکسین ملک سے جانے والے مسافروں کو نہ صرف پولیو سے تحفظ دیتی ہے بلکہ دیگر مملک میں بھی افراد کو پولیو سے محفوظ رکھنے میں مدد کرتی ہے۔

اگر آپ پاکستان میں چار ہفتے سے زیادہ کا قیام کر رہے ہیں تو آپ کو روانگی سے قبل پولیو ویکسنیشن سرٹیفیکٹ ظاہر کرنا ہوگا، چاہے آپ کی شہریت کسی بھی ملک کی ہو۔

عالمی ادارہ صحت کی انٹرنشنل ہیلتھ ریگولیشنز کے تحت، پاکستان میں چار ہفتے سے کم قیام کرنے والے افراد کو پولیو ویکسین کا ثبوت ظاہر کرنا لازمی نہیں تاہم زیادہ عرصے تک ملک میں رہنے والوں کو پولیو ویکسین حاصل کرنی چاہیے تاکہ وہ خود بھی محفوظ رہیں اور پولیو کا پھیلاؤ روک کر اوروں کو بھی محفوظ رکھیں۔

پولیو ویکسین اور سرٹیفیکیٹ با آسانی ڈسٹرکٹ ہیلتھ آفسز سے مل سکتے ہیں۔ اس کے علاوہ ہوائی اڈوں پر مخصوص پولیو کاؤنٹرز پر بھی مسافروں کی مدد کے لیے ٹیمیں موجود ہیں۔

اورل پولیو ویکسین محفوظ ہے اور بیمار بچوں سمیت تمام بچوں کو دی جا سکتی ہے۔ بیماری کی صورت میں تو بچوں کے لیے پولیو ویکسین اور بھی زیادہ اہم ہے کیونکہ ان کی قوت مدافعت دیگر بچوں کے مقابلے میں کم ہوتی ہے۔

اورل پولیو ویکسین بالکل محفوظ اور حلال ہے۔ تمام مسلم ممالک اسی ویکسین کے ذریعے پولیو کا خاتمہ کر چکے ہیں اور امام کعبہ نے اس کی تائید کی ہے۔