پولیو اپڈیٹ–  اسلام آباد – 22 اگست 2024

خیبر پختونخوا اور سندھ کے تین اضلاع اور پہلے سے متاثرہ آٹھ اضلاع میں پولیو وائرس کی تصدیق ہوئی ہے۔

قومی ادارہ صحت میں قائم انسداد پولیو لیبارٹری نے تصدیق کی ہے کہ پانچ سے سات اگست کے درمیان کرک، سجاول، شہید بینظیر آباد، حیدرآباد، کوئٹہ، چمن، لورالئی، ژوب، پشین، راولپنڈی اور اسلام آباد کے ماحولیاتی نمونوں میں پولیو وائرس پایا گیا۔  

رواں سال ملک میں15  بچے پولیو سے متاثر ہوئے ہیں جبکہ وائرس 62 اضلاع میں پایا گیا ہے، جو ظاہر کرتا ہے کہ نہ صرف ان اضلاع بلکہ ملک کے تمام بچوں کو پولیو سے مسلسل خطرہ لاحق ہے۔

پولیو ایک خطرناک لاعلاج بیماری ہے جو بچوں کو عمر بھر کے لیے معذور کر سکتی ہے۔ پولیو ویکسین اور حفاظتی ٹیکوں کا مکمل کورس بچوں کو اس بیماری سے محفوظ رکھنے کا بہترین طریقہ ہے۔

پولیو پروگرام سال میں متعدد بار انسداد پولیو مہمات کے ذریعے شہریوں کی دہلیز پر پولیو ویکسین پہنچاتا ہے، جبکہ حکومت کے توسیعی پروگرام برائے حفاظتی ٹیکہ جات کے ذریعے بچوں کو 12 بیماریوں سے بچانے کے ٹیکے آپ کے قریبی صحت مرکز میں مفت فراہم کیے جاتے ہیں۔

پروگرام والدین پر زور دیتا ہے کہ پولیو کے خطرے کو سمجھیں اور ہر پولیو مہم میں اپنے پانچ سال سے کم عمر کے بچوں کو پولیو سے بچاؤ کے قطرے لازمی پلوائیں اور ان کے حفاظتی ٹیکوں کا کورس بھی مکمل کروائیں۔

اگلی پولیو مہم نو سے 16 ستمبر کو منعقد کی جا رہی ہے جس میں تمام پولیو ہائی رسک اضلاع میں بچوں کو پولیو سے بچاؤ کے قطرے پلائے جائیں گے۔

نوٹ:

پولیو ایک لاعلاج بیماری ہے جس سے پانچ سال تک کی عمر کے بچوں کو سب سے زیادہ خطرہ ہے۔ اس وائرس سے بچے عمر بھر کے لیے معذور ہو سکتے ہیں، حتیٰ کہ کچھ کیسز میں بچوں کی موت بھی واقع ہو سکتی ہے۔ پانچ سال سے کم عمر کے تمام بچوں کو اس موذی مرض سے پولیو سے بچاؤ کے قطرے پلوا کر بچایا جا سکتا ہے، اور وائرس کو پھیلنے سے روکا جا سکتا ہے۔ متعدد بار پولیو سے بچاؤ کے قطرے پلوانے سے دنیا کے تمام ممالک پولیو سے پاک ہو چکے ہیں، جبکہ پاکستان اور افغانستان وہ واحد ممالک رہ گئے ہیں جہاں پولیو اب بھی بچوں کے لیے خطرہ ہے۔ انسداد پولیو مہم میں بڑھ چڑھ کر حصہ لینا ہم سب کا قومی فریضہ ہے۔

مزید معلومات کیلئے رابطہ کریں:

Ms. Hania Naeem, Communications Officer, NEOC, +923431101988

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.